Thursday, July 8, 2010

How to bathe a Cat




في ناس كتير بتقول ان القطط مش محتاجة تستحمي بسبب ان هي يعني بتلحس نفسها و في انزيم فاللعاب بتعها بيطرد اي اوساخ او جراثيم
:D
-برسيل كولور -
:D

هو صاحب المقال كان مصدق العبارة دي و مصدق انو مش هيحمي قطتو خالص - انا كنت عارف المعلومة دي بس فدماغي لا غني عن الحموم يعني- مع ان الاوساخ ماليالو البيت و ريحة قطتو جامدة
مش كدة و بس- احمممم خلاص عشان الرقابة-

المهم لازم فيوم من الايام تقرر انك تحمي قطتك
Muhahahahahahah
و تواجهة مصيرك من شوية العض و الخرابيش
بس عشان تحميها حمومة صح لازم تعمل حسابك علي شوية الخطوات دي

اولا
انت عارف ان القطة اسرع منك بكتير دي ميزتها بس متنساش انك عندك ميزة انك اقوة منها بكتير
يبقي لازم تستغل الميزة دي بانك تختار المكان الي هتحميها في يكون صغير عشان تقدر تملكها و متهربش منك طيب لو حمامك كبير تعمل اية؟ عادي تحميها فالحوض و تقفل الابواب كويس اهم حاجة تملكها فمكان صغير


ثانيا
ودي تحط تحتيها ميت خط , القط عندو مخالب و هو تحت المية مش هيستاذنك عشان يستخدمها طبعا انت عندك بردو ميزة انك اذكي من القط طيب هتحصن نفسك ازاي؟؟؟؟
تلبس جوانتي مثلا و يا سلام لو جبت خوزة من بتاعت الموتسيكلات و لية مش حزام امان كمان و سترة مضادة للرصاص
يعني من الاخر اي اداة بتحمي فبيتكم هاتها.........


ثالثا
اتاكد ان كل حاجة قريبة منك
زي الشامبو و الفوطة و الذي منه الي هتستخدمة و انت بتحميها
و متنساش كولونيا و لا مكروكروم عشان الدم بس
:D


رابعا
طيب ازاي هتاخد اصلا القطة الحمام
لازم تستخدم عنصر المفاجأة
Muhahahahah
تشيلها مثلا كانك موديها تاكل مثلا فالمطبخ و تعمل عبيط و تدخل علي الحمام بسرعة
اهم حاجة فالاول تعمل عبيط
:D


خامسا
عنصر السرعة فالحمام , هي دي الحاجة الي هتخليك تعيش بعد كدة
اعتبر ال 45 ثاينة و انت بتحميها من اعتف الثواني فحياتك و انجز
يعني مثلا ترمي علية شوية مية بسرعة و بعديها الشامبو و تفرك الشامبو علي جسمو باقصي سرعة ممكنة و تشتطف ممكن تعمل كدة تلت مرات
و كل ده فال 45 ثاينة خلي بالك و الا حياتك فخطر


سادسا
اخر حاجة تعملها لو كنت عايش اصلا القطة لازم تنشفها كويس بعد الحموم انت عارف لية بقي


كفاية كدة صح.............
بعد ما هتحمي القط هتلقية سابك كدة شوية كتار عامل نفسه زعلان بس هيرجع زي القط عادي يعني :D
غير كدة هتلاقة لحم علي عضم شكلو بيبقي مضحك اوي كنت بحب اشوف قططنا بعد ما تستحمي و اضحك جامد
اهم حاجة علي الاقل دلوقتي ان ريحتة احسن من الاول
;)


ملحوظة
اكبر غلط انك تحمي القط معاك تحت الدش




مييييييييييييييييييييييييو

Sunday, July 4, 2010

different looks *_^


مين نظرتو اغرب
اكيد مش القطة
:D

مييييييييييييييييو