ديكور مقطقط

لذيذ اوي :)

ميييييييييييييييييييييييييو

هرهور و بس بس

هرهور و بس بس واقفين في عز الضهر علي الكوبري

بس بس : "برومانسية" شايف النجوم يا هرهوري

هرهور... : نجوم ايه بس في عز الضهر دا أنا الشمس حرقت شعري

بس بس : الله يا هرهور بص السحابة اللي هناك دي اللي عليها العصافير

هرهور : لا والله ياحبيبتي أنا مش شايفها بس شايف دخان عربيات خنقني

بس بس : يووووووووووووه يا هرهور خليك رومانسي شوية

هرهور : رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

بس بس : انت مش بتحبني والا ايه

هرهور : ياستي بحبك

بس بس : لأ انت كذاب انت مش بتحبني

هرهور : يعني أولع في نفسي بجاز عشان تصدقي اني بحبك

بس بس: "والدموع علي خدها" لا يا هرهور أنت تغيرت خالص

هرهور : ياحبيبتي والله بحبك

بس بس : لأ يا هرهور متصلحش اللي أنت عملته

هرهور : وهو أنا كنت عملت إيه بس

بس بس : " تعيط" اهئ اهئ اهئ

هرهور : بتعيطي ليه دلوقت

بس بس: هرهور طلقني يا هرهور

هرهور : هو احنا لسة اتجوزنا عشان اطلقك

بس بس : يعني كمان مش عايز تطلقني

هرهور يشد في شعره: يادي الليلة السودا أنا ايه اللي خرجني بس

بس بس: كمان خليتها ليلة سودا.. يعني أنا اللي خرجتك غصب عنك

هرهور : ياستي مش قصدي. بصي أنا مش هرد عليكي عشان مانتخانقش

بس بس : للدرجة دي قرفان مني

هرهور : "وشه يحمر من الغيظ" يعني انتي عايزة تتخانقي وخلاص

بس بس : يعني أنا نكدية ياهرهور

هرهور : لأ...... أنا

بس بس : انت بتاخدني علي اد عقلي

هرهور : حقك عليا وادي رأسك ابوسها

بس بس: ياسلام كده بكل بساطة

فجأة يقف هرهور علي سور الكوبري ويرمي نفسه في الميه

بس بس: تفتكر يا هرهور اني كده هسامحك

اعمل اية طيب؟؟
:(


ميييييييييييييييييييييييييو