المكواة و انا

لما كنت صغير كنت بحب اي حاجة فيها كهربة
اي جهاز كهربي , سلوك عريانة , مفكات اي حاجة
بس فيها كهربة

كنت عاوز اخترع اي حاجة من الكهربة دي
الصورة بتاعت القطة مع المكوة دي فكرتني بحكاية ظريفة و غبية فنفس الوقت عملتها و انا صغير
:D

لما كنت عندي تلت اريع سنين باين مش فاكر اوي السن بالظبط بس فالحدود دي
كنت بحب العب بالمكوة لما ميكنش حد فالبيت
>:)
كنت بكوي اي حاجة اقابلها قدامي
فاكر اني كويت كيس قبل كدة

بس الذكاء طبعا و العقل التكنولوجي و الاختراع كان شغال معايا من صغري
اه انا مش قليل
:D
طلعت فدماغي قال اية اني اكوي ورقة النتيجة الي متعلقة فالحيطة
طيب دي فكرة غبية
معنديش ادني فكرة ليه كنت عاوز اكوي الورقة كان تقريبا لعب و خلاص
بس انا بعتبر ده مش غبي
الاغبي اني شغلت المكوة و اتجهزت عشان اكوي الورقة
بس مخي اشتغل ساعتها و حطيت الورقة بتاعت النتيجة علي ركبتي و كويت بقي
كويت علي رجلي الشمال حسيت بحاجة مولعة فرجلي بعديها
و عينيك متشفش الا النور
:D

و هاتك يا صوات بس ربنا ستر ساعتها
و لحقوني
فاكر انها فضلت توجعني لفترة مش قليلة
ده حتي لسة معلمة فركبتي لحد دلوقت

الحكاية دي فاكرها زي امبارح بالظبط :)
حاسبات من يومي صح
xD

لا لا محصلش اني حاولت اكوي قطة
مكنش عندنا ساعتها
:D:D


مييييييييييييييييييييييييييييييييييو